Gmarket VS 代購 VS 強國淘寶
其實依個係小米既第一個blog, 希望各位有緣既朋友多多支持啦 ........
小米除咗係一個貓奴, 亦係一個全職打工仔, 工餘既時間最鐘意行十蚊店(亦即係加咗價既Jusco living plaza), 文具店, 手作店, 格仔舖, 間唔中會join團買韓國文具, 甚至淘寶強國A貨, 不過始終都係鐘情韓貨, 雖然少貴但品質普遍都好 (起碼是一分錢一分貨) !
雖然知道有一部份韓國網站可以直接寄到香港, 但我唔識韓文唔識註冊, 又唔知點解韓國既網站特別多圖文icon, 唔可以google翻譯 ... 搵過代購代買, 但最後都係鐘意幫襯Gmarket, 因為透明度高啲, 自由度大啲。當然有機會一定會去韓國旅行掃貨, 哈哈~~ !!
Gmarket 其實就係韓版既淘寶 + 預付集運。因為Gmarket的角色只不過是提供一個平台給買賣雙方, 所以入手前最好先google一下有冇網友的試用報告, 亦都可以參考一下Gmarket產品頁面既review, 小米就試過一個慣性遲出貨既賣家, 有9成neutral既review都係講緊佢遲出貨既事。
大部份韓國知名既開架/專門店護膚彩妝品牌, 都有喺Gmarket開店, 不過就唔係個個都接受國外訂單 ( 英文版面有worldwide shipping國示, 或韓文產品頁面有飛機圖示既先得), 至於專櫃品牌, 就多數都冇Gmarket商店,咁就要去啲 Mart 度買啦 (都有好多既,當然擇啲多人買過既會比較穩陣啦。)
貨品種類
Gmarket裡面, 所有接受國外訂單既, 就算係指甲油, 泡泡產品 (明明係壓縮罐應該唔可以經EMS空運既), 小米大致上都未試過有問題。
代購代買既話, 雖然可以買既牌子同貨品種類多好多選擇, 但因為係以私人名義寄EMS或者其他空運公司, 有台灣網友試過寄指甲油唔俾入口, 結果原箱退返韓國, 所以下單前做好功課, 問清楚可唔可以空運入口先會比較好 (郵局電話 2921 2222 同 香港海關電話 2815 7711), 否則俾咗錢但箱貨過唔到海關就只能 ^&@#^$ 囉,仲可能要負擔退返韓國既運費同再寄出既運費, 分分鐘仲貴過喺香港買啦~~
匯率
Gmarket 接受用paypal或有3D認証 (即VISA既verified by visa 或MASTER既SecureCode)既信用咭。好多信用咭有海外簽賬優惠, 手續費就1-3% (視乎邊間發咭銀行), 計visa既美元兌港元匯率, 再計Gmarket每日update既韓國won對美元匯率。Paypal唔駛俾手續費, 計paypal美元兌港元既匯價, 再計Gmarket每日update既韓國won對美元匯率, 但paypal既匯率比visa更差。
提供3D認証信用咭既銀行 : 星展, 恆生/匯豐, 渣打, 中銀, 工銀, 東亞
至於代購代買, 好多時都係香港同駐韓國既買手 (空姐, 喺韓國讀書, 做嘢or入貨既人, 或者嫁咗去韓國既人, etc) 合作, 至少會收10%代購費, 匯率就視乎唔同既代購, 間間都唔同既。喺韓國當地買嘢, 不論網購定親身去買, 好多時都會有其他discount, 而且會送coupons同free samples, 但代購代買會唔會計埋俾你, 就好視乎佢地有冇良心, 所以不可一概而論, 可以send張你既訂單名細俾代購代買, 收到報價之後再決定。
落單及跟單
Gmarket 最大既好處當然係可以直接同seller交易同跟進, 因為店家同買家都有權喺發貨前 (即係domestic delivery status仲喺on request既階段) 取消訂單, 所以落單俾咗錢之後可以跟貼d, 見到店家遲遲未發貨 (通常2-3日後) 就可以問清楚係咪冇貨, 再要求換顏色, 換款或者換同價既貨品, 如果店家回覆遲d 返貨, 一定要叫佢update status (expect to delivery on日期), 因為聽講Gmarket 會將超過一定日子on request既訂單自動取消。
有網友建議落單前先問清楚seller有冇貨, 不過我就通常睇啱就直接check-out俾錢。有d seller可能會好遲先回覆 (試過it's skin隔咗成個星期先覆我... 無言 |||), 或者睇唔明英文所以唔覆, 咁樣既話可以請求Gmarket既CS幫手跟進。
取消訂單之後就會即時refund (用cash balance俾就會退返去cash balance account度, 用paypal俾就會退返去link落paypal既信用咭, 用信用咭俾既話 ---- 未知, 暫時冇試過)。
Overseas order頁面, 每件貨既delivery status都一目了然, 寄出EMS之後仲會電郵通知, 都幾貼心架。依個亦係Gmarket 令小米最滿意既地方之一。
搵代購代買既話, 應該就唔會update你嚕, 小米試過confirm order兩三個禮拜之後問, 先知有嘢冇貨/送錯貨, 然後又用咗一個禮拜改單/換貨。
運費方面
Gmarket 會先預估運費, 但好多衣履既店家都會一個產品頁面放好多items, 所以item既重量會以最重既果一樣為準, 而護膚品彩妝品, 好多時都會overweighted, 除咗一個情況, 就係一個item再加大量additional既嘢。幾張單combined shipping (每張單最多30items, 可以check-out之後, d貨未到晒Gmarket warehouse之前, request combined shipment, 但總重量以30kg為限, 而且只可combine一次), 運費90%以上可以退返去gaccount既cash balance果度, 下次買嘢就可以用。
Gmarket有同EMS合作, 所以大約有25%折扣。有時仲會有額外既discount。
代購代買既運費收費有幾種, 其一係$30-35/kg按重量計 (當然俾多咗既唔會退), 其二係實報實銷, 其三係按訂單既貨品類別, 再按照每一類別既件數計 (俾多咗既亦都唔會退)。所以Gmarket喺運費方面絕對有優勢架~
訂單貨期
Gmarket店家既發貨速度普遍黎講都幾快 (通常一個星期內會送抵Gmarket warehouse), 但有時個別店家遲遲唔發貨就要拖慢成張單, 如果果樣嘢唔係太急既, 可以先取消下次再買。通常齊貨2日左右Gmarket warehouse就會完成pack箱同寄出EMS。
至於代購代買, 通常都要等3個星期至一個月左右。
退貨/瑕疵品
Touchwood講句, 小米喺Gmarket敗咗9次, 都未試過收到有問題既貨品 (最多只係包裝紙盒有啲破損), 更加未試過漏送貨。如果真係有咁既情況, 應該點做好呢? 首先, 開箱既時候要全程錄影 (有邊個會咁做呢.... @@),仲要keep住EMS張單, 所有貼紙同紙箱包裝袋, send email俾賣家同Gmarket既CS要求退款。如果收到瑕疵品, 正常程序係要寄返果件貨去韓國既賣家, 所以... 小米相信大部份人會當自己唔好彩就算。
代購代買既話, 因為買手身在韓國, 收到貨後佢都會幫你check貨 (款式對唔對) 同點數既, 有問題佢地會幫你安排換貨, 但品質問題佢地都控制唔到既, 不過都比喺Gmarket收到貨先知道好。
以上。
相關文章
韓國 EMS 卡通箱重量及尺寸
GMARKET各類貨品的參考重量
EMS特快專遞 標準流程 (韓國 至 香港)
韓國EMS標準收費 與 Gmarket 特惠折扣收費 比較Gmarket 敗家流程 註冊篇
Gmarket 敗家流程 付款準備篇